mk_logo
 

Emília
Magyar  Roman  English  Deutsch  Roma
Regisztáció

Prezentacija

 

Amari biblioteka si jekh majdulmutani thaj majbari ande kadi regija. Angla amende ando 1899.-to bersh arakhadyilas kathe e angluni puterdi nipeski biblioteka, so pala unyi bersh umladas pes. Pala kado numa puterde biblioteki thaj but kuch privatne biblioteki sas pe kado than. Bari dukh-i, sar ande la lumako maripe le pustikengo baro kotor xasardilas. 

Kathar o 1953.-to bershesko jul. shon, shaj vorbisaras pala chachi kommunalsityimaski biblioteka, kanak la Regijako Sombeshipe kerdas la Regijaki Biblioteka, soske duj butya sas:

- cirdik-biblioteka te kerel le gaveske manushenge,

- te krealil la regijake bibliotekani drakhin, thaj pinzharne butyarenca sistematikanes te tradel thaj te inkrel la. 

O 1960.-to bersh baro nyevipe andas ande la institucijako trajo, so zhi atunchi but pharo sas. Pe lako nyevo than muchindas ando Kulturno Centro, thaj pinzharne manushen las la butyate. Nyevi, „slobode-etazherasli” unzhulimaski sistema kerde, baxtale programmura kerde, pustika thaj zhurnale ikalde avri, shavorimasko kotor krealinde, thaj startisarde te kiden le thaneske historikane materiji. 

Kathar o 1990.-to bersh si pe lako aktualno than, ande jekh 400 m2 baripesko kher, so direktes bibliotikane resinenge formalinde perdal. Po podosko nivelo si e bari ginadi soba, o zhurnalo-ginado than, o Evropako Uniosko Informacijaslo Kolco, o muzikano kotor, le officiji, le thaneske historikani kollekcija, thaj kathe shaj te len unzhulipes le pustika. Pe la lashi atmosferaki galerija -, soske kashtune zidura plakettura shukaren pala la angluno lumake maripeske heroikane mule -, las than e sityimaski literatura. Po majopruno nivelo, ande la durukhako andruno than shaj arakhen e kashtuni berandasli, shavorimaski-biblioteka, so but lashi impressija kerel le nastenge kon vizitacija keren amende. Kathe si amen shajipe, te inkras butfalicke programmura. 

Ando kher bipharipesa shaj andre te resen, ba le kheresko andruno than na del shajipe, hoj intregones bibarrijerake te formalinas o than. Ba po majteluno nivelo amare majna sa servizura shaj resen le manusha.

Le nachile deshupanzh bersha bari innovacija andine ande la bibliotekako trajo, zhanglimaski thaj vi texnikaki modernizacija. 

Ando 2010.-to bersh trin bare aplikacijenge zhutimata las amari institucija, andar soste zhanas intregones pe nyeve te parruvas amare informatikane thaj officijaltexnikake apparatura, thaj keras programmura, sityimaske kurse, informacija-kidipe, kodo resinesa, hoj te pheras andre kodol, so ande le aplikaciji shinadam. Kodolenge, kon ande cine gava beshen, te lasharas le shajimata hoj te resen vi tradicionalne, vi „online” bibliotikane servizeste, te das garancija pala le informacijenge egalutne shansa, te keras kethano katalogo thaj elektronikani biblioteka, te zhutinas o sityipe pala le minoritetengi kultura, te zhutinas mashkar le gava le kulturne informacijengo perdalphiripe.

Az utolsó módosítás dátuma: 2014-07-07
  5036

 

    

| 2014. Minden jog fenntartva. |

 

admin